Friday, December 21, 2007

وطـــــــــــــــن


للوجوه التى تتيبس تحت قتاع الكآبة
انحنى ؛ لدروب نسيت عليها دموعى
لأب مات أخضراً كالسحابه
وعلى وجهه شراع
أنحنى ؛ ولطفل يباع
كى يصلى وكى يمسح الاحذية
(كلنا فى بلادى نصلى كلنا نمسح الاحذية)
ولصخر نقشت عليه بجوعى
انه مطر يتدحرج تحت جفونى وبرق
ولبيت نقلت معى فى ضياعى ترابه
أنحنى - هذه كلها وطنى .. لا مصــــــــر
قصيدة -أدونيس- وطن
الصورة - انا وحد عزيز عليا رسمناها بتخيلنا قبل القلم
تم استبدال دمشق ب مصـــــــــر

Wednesday, December 12, 2007

عندما تبتسم الطبيعة

So this is who I am,
And this is all I know,
And I must choose to live,
For all that I can give,
The spark that makes the power grow
كسرت الصمت بصوتها القوى الحاد الرقيق فى نفس الوقت معرفش ازاى ؟! ودخلتنى مود كدة مبدخلوش غير لما بسمع صوت سلين .. خاصة الاغنية دى مش بس عشان الأغنية اسمها على اسمى بس يمكن عشان بلاقى نفسى بمواقف معينة وسط كلماتها
And I will stand for my dream if I can,
Symbol of my faith in who I am,
But you are my only,
And I must follow on the road that lies ahead,
And I won't let my heart control my head,
But you are my onlyAnd we don't say goodbye,
And I know what I've got to be
ناس كتير بتيجى على بالى فجأة .. ناس كتير حتى لو مش موجودين معايا بس على رأى عمرو دياب قصاد عينى فى كل مكان .. مستغربة جدا ان الوقت الى ايمان ماى كلوز فريند اول ما جت على بالى وفكرت اقوم اكلمها جالى منها ايميل .. فتحته بسرعة طبعا وانا مستنية كالعادة أشوف اى كلام يطمنى عليها بعد ما الشغل فرقنا عن بعض وخلاها فى مكان وأنا فى مكان تانى
ولما فتحت لقيت صورة بألف كلمة .. وبدل ما كنت بتمنى أقرا كلماها الى بيصبرنى على حاجات كتير مبحبهاش لقيت صورة بكل الكلام الى كان ممكن يتقال.. وحشتينى اوى يا ايمى

سكت شوية .. فى حاجة كان لازم اعملها من زمان وخايفة بس من مجرد التفكير فيها مرة تانية .. خايفة يمكن من حد بحبه جدا يخذلنى المرة دى كمان ويجرحنى وهو مش واخد باله .. مش عارفة يمكن الظروف اتغيرت المرة دى وجايز يبقى المرة دى احسن من ما انا متخيلة وفى نفس الوقت غالب عليا الخوف وحاسة ان مفيش فايدة وان تغير الظروف ممكن تقف ضدى مش فى صفى..
حلم حلمته ومش قادرة بس افكر مجرد تفكير انى استغنى عنه .. رغم انه سايبنى ومش راضى يتحقق .. مش متخيله اصلا انى فى يوم هموت من غير ما احققه .. الخطوة الاولى فى طريقى ليه فشلت فشل ذريع ، والخوف معايا المرة دى مخلينى مش قادرة امشى الخطوة التانية ، وكل يوم أجلها لليوم الى بعده لحد ما فات 6 أو 7 شهور على نفس الحال .. استخدمت فيهم كل الطرق المشروعة او غير المشروعة فى انى استغنى عنه بس مش عارفة
أقنعت نفسى اخيرا انى هعمل الى عليا عشان اخلصنى من نفسى واخلص ضميرى من ربنا .. عشان مرجعش أقول انا الى عملت كدة فى روحى وانا الى غصبت على نفسى اعيش عيشة مش بحبها
مع كل التعب الى انا مستحملاه ومستنية فرصة انى اتكلم ومفضلش ساكته كتير .ومع الصورة الى ايمى بعتتها دى ..حسيت بشوية تفاؤل وبانى لازم اتحرك واتحدى خوفى
Immortality
I make my journey through eternity
I keep the memory of you and me inside
مش عارفة هبتدى منين ومش مرتبة كلام ولا افكار ومش عارفة بالظبط القصة هتدور ازاى ، مش عارفة هخسر ولا هكسب ..مود مش مظبوط الى حد ما بس اعتقد طالما انا متمسكة بحلمى اوى اكتر من اى وقت فات يبقى الامور ان شاء الله هتمشى على خير ما يرام
رغم انك بعيدة يا ايمى بس لسة بتأثرى فيا اوى كأنك موجودة معايا