Go تان

آمنت منذ نعومة أظافرها بأن جمال الأنثى فى عقلها وذكائها وتفكيرها

ولم تكن جميلة بقدر ما يكفى لتتخلى عن هذا المنطق

فتمردت إرادتها لتعلن العصيان على الأنثى بداخلها

فأصبحت صورة مشوهه تظهر أمام الناس " البت الجدعه الى بميت راجل " .. وأمام نفسها فتاه ضعيفه لحد الإنكسار

تحملت أشياء كثيرة حتى وصفها بعض أصدقائها بـ "super girl "

إبتسامتها صادقه دائما ً عندما تحمل الفرح او الحزن أو الحيرة

لا تملك أبداً أن تقدم لنفسها أكثر من الصراحه .. التى قد تصل أحيانا ً لحد الإيلام !!

تملك من الشجاعه ما يكفى لمواجهه أى شئ أو أى شخص طالما هى على حق

ولكن تلك الشجاعه غالبا ما تتجمد لخوف عند مواجهتها للوحده

فهى لا تخش فى حياتها أكثر منها رغم أنها لا تفارقها

تعشق المزيكا .. عندما تسمعها تكون إما فى أسوأ أو أفضل حالتها

فتنهض لتتمايل وتتراقص مع نغمات الموسيقى

كانت تحلم أن تتعلم التانجو .. وأتاح لها خيالها أنها بالفعل تعلمته .. وأن " الستارة فى الطرقة أو المقشة " التى ترقص معها هى حبيبها وأن الهبل الى تفعله هو تانجو !!

وغالباً ما تندمج مع التانجو والستارة ... أقصد حبيبها وهى تلف على ذراعه ثم تفيق إثر صدمة موجعه فى الحائط أو كرسى الأنتريه لتعود مرة أخرى ف مواجهه حقيقية على أرض الواقع ...

We are the CHAMPIONS

كنت عارفة ان احنا الى هنكسب

(ثقـــــــــــة)
الفرحــــــــه
مبروك لينا كلنا

غانا رجعنا بالكاس معانا

كنت عايزة بجد أشوف الماتش دة فى مكان مفتوح .. أكيد مش فى بيتنا أصل بيكون ليها طعم تانى نفسى اجربه إقترحت على ماما الموضوع دة ، ومش توصلنا انا وهى لنتيجه ايجابية بالمرة .. وفى الاخر كلمت صحابى وقلتهلم تعالوا اتفرجوا معايا على الماتش .. رغم انهم أصلا مش ليهم فى الكورة ولا حتى انا ليا اوى يعنى ..بس الماتشات المهمة مش ينفع تتفوت .. المهم يعنى .. لبست طقم الماتش - أحمر فى أبيض فى أسود - ورسمت علم مصر - 3 علم مصر- وقعدنا نستنى الجون

الماتش كان فعلا عبقرى .. كان مستفذ شوية فى الاول عشان الاجوان الى ضيعها عمرو زكى و أبو تريكة و عماد متعب .. كان فى شوية كور مينفش تضيع ..

المنتخب المصرى بدأ الماتش بهجوم قوى جدا وكل واحد وقتها لعب زى ما الكتاب بيقول يعنى لكن الدفاع الكاميرونى - رغم انى شايفة انه على قده على الاقل مش زينا - منعهم من احراز اى هدف بالاضافة لحارس المرمى الكاميرونى كامينى كان ذكى جدا فى الماتش وضيع مننا اجوان كتير

لحد ما عماد متعب طلع وفقد فرصته فى انه يحرز اى هدف البطولة دى ونزل مكانه زيدان .. كانت تمريرة عبقرية جدا منه لابو تريكه رغم ضغط الدفاع الكاميرونى بشكل بشع عليه ..

بعد الهدف المصرى الرائع أشتد جدا الهجوم الكاميرونى وارتفع معاه مستوى الدفاع المصرى ومستوى عصام الحضرى والى منعهم من تسديد اى هدف وحافظ على تقدمنا عليهم - الله عليك يا حضرى -

حسن شحاته .. الله عليك .. كسرت اسطورة المدرب الاجنبى وعقده الخواجه

أبو تريكة وزيزو كانوا عاملين ديو رائع البطولة دى خاصة فى اخر ماتشين - بين مصر وكوت دى فوار والنهائى مع الكاميرون- أبو تريكة الناس كلها بتحبه وزيزو هيستفيد جدا من البطوله دى لأنه لعب كويس وعرف يظهر نفسه تمام

عماد متعب كان متألق البطولة الى فاتت مش عارفة جراله ايه المرة دى .. يمكن سوء حظ بس مش عدم تركيز لان تحركاته فنيا كانت سليمه بدليل ان حسن شحاته كان بينزله كل ماتش رغم انه مش بيجيب اجوان - هارد لاك يا عمده -

وائل جمعة كان دفاع قوى جدا مش جديد عليه هو بيلعب على طول كويس اوى

عمرو زكى تايجر الكرة المصرية بجد مش خسارة فيك اللقب ومش خسارة فيك حب الناس

أحمد حسن لعب حلو اوى وكان متميز جدا دة غير ان روحه فعلا حلوة خاصة بعد ما قال مش مهم مين بيلعب المهم نرجع بالكاس وقتها عرفت ان لو دى الروح المسيطرة عليهم فعلا يبقى بجد هنرجع بالكاس زى ما قال

ابراهيم سعيد كان دفاع كويس والحمد لله على غير العاده مش عمل مشاكل ..ربنا يهدى يارب

حسنى عبد ربه كان لازم يختاروه أحسن لاعب لخط الوسط رغم الظروف الى هو فيها والى المفروض تكون موتراه جدا بس كل دة مش أثر على لعبه سلبيا.. بالعكس

ميدو وحسام غالى فضلوا أنديتهم الاوربيه على المنتخب المصرى واكيد مش هتمنالهم حاجة وحشة ..ربنا يوفقهم بس لاتعليق

حسام حسن .. بجد افتقدتك البطوله دى

انا مش عارفة كل اللعيبه بالأسامى على فكرة ومش معنى انى مش ذكرت بعضهم يبقى انا مش معترفة بدورهم بالعكس كلهم بجد لعبوا حلو اوى

ARTكانت لفتة ظريفة منها المليون جنيه الى قدمتها للمنتخب المصرى .. انا فرحت جدا بيهم

كل المنتخب كان حلو أوى وعملوا الى عليهم وزياده والله .. وفى وسط اللخبطه الى ناس كتير مننا فيها هما قدروا يفرحونا .. ربنا يفرحهم يا رب

الجماهير المصرية .. مش ممكن بيشجعوا فى اى مكان وفى أى ظروف .. يخرب بيت الجنان.. كمان فرحانه ان الجماهير العربية شاركتنا فرحتنا واحتفلوا معانا .. بجد شعور طيب جدا منهم

مراسم تسليم الكاس كانت حلوة اوى والبنوتة رغم انها سمرة أوى بس ملامحها بريئة وجميلة بعدها احمد حسن طلع اخد الكاس زى السنة الى فاتت

الحقيقة الى انا مستغرباله اوى ان كل الناس شايفى ان سبب الفوز المدرب والمنتخب والروح الجميلة الى كانت مسيطرة عليهم .. ونسيوا تماما طقم الماتش الى انا لبسته والتلات اعلام الى رسمتهم ومش طلعوا ليا اى دور فى الانجاز دة يعنى

مش عيب بردو ؟؟

the new year lol

2008

still study

my new year gonna start in

23/1/2008

lol

happy new year to all of u

:)

HAPPY 2008

اخترته ...لأنى لست بحاجة اليه

القصة مستوحاه من تجربة شخصية جدا ... للاسف

كنت فى موقف لا أحسد عليه وهما جالسان أمامى ينظر أحدهما للآخر نظرات لا يفهمها أحد سواهما ثم يعاودان النظر ألىّ مرة أخرى .. كانا لا يتحدثان فى هذه اللحظة ولكن بدا على كل منهما ما كان يحتاج لقوله لى.

نظراتهما لى أرغمتنى على العودة بالزمن الى الوراء لأتذكر مواقف كل منهما معى وكيف شعرت مع كل منهما بأنى أملك العالم دون أدنى عناء !! وكيف كنت أوعد كل منهما بأنى سأعيش معه حياتى كلها .. كلاهما كان يتوسل ألىّ بأن أقول كلمتى الأخيرة ليكون ملك عرش قلبى ورفيقى فى الحياه.. كلاهما يعشقنى بجنون ومستعد أن يضحى بكل وقته وبكل ما يملك من أجل سعادتى ولم يهم أحد منهما ما كنت أعيشه مع الآخر .. وكلاهما على أتم أستعداد أن يسامحنى ويغفر لى خيانتى!!!
كلاهما لا يمل من مرافقتى طول الوقت ولا يمل سماعى وحديثى وحتى شكوتى اليه.. كلاهما يرفع همومى بعيدا عن قلبى وكلاهما ينبض

قلبه بأسمى وحياتى.. وكلاهما أعشقه وأحتاج اليه بجنون وحياتى لن تكتمل الا بأحدهما ..
كان موقف صعب جدا أن أختار بين صديقين يتطابقان معا بشكل جنونى.. لا أستطيع أن أميز الأفضل فيهما وكلما وجدت فى أحدهما صفة

أحبها ظهرت فى الأخر صفة أحلى منها ويستمران هكذا حتى يكاد يجن جنونى.. حتى وقت قريب لم أكن قد حددت بعد من هو حبيبى الذى سأعيش معه عمرى كله..
كنت أخشى على مشاعرهما .. مشاعر حبيبى الذى سأختاره لأنه سيخسر صديق عمره وان جاز التعبير سيضحى بأخيه من أجلى..

ومشاعر الأخر الذى سوف تصبح كلمتى صدمة كبيرة له لأنه لن يرافقنى ولأنه لن يرى صديقه مجددا بسببى
نظرت اليهما برفق واقترحت عليهم اقتراح لم أكن أنا نفسى مقتنعة به .. وهو أن نظل أصدقاء نتقابل فى المناسبات وأوقات الفراغ ولكنهما رفضا بالتأكيد ولم أحاول خوض معركة أقناع لأنى لم أكن أريد هذا ..
قررت أن أحكم عقلى وأن آخذ برأيه بعيدا عن قلبى ورأيت الفرق بينهما:
الأول: يحبنى وأحبه .. عملى ويتحملنى ويتحمل اعبائى وأحتاج اليه أكثر من أى شئ أخر... ولا يمكننى الاستغناء عنهL
الثانى: يحبنى واحبه (بردو) رقيق جدا.. يحتاج الى معاملة خاصة وعناء من أجل الحفاظ على حبه..له القدرة على مرافقتى طول الوقت ولكن يمكننى الاستغناء عنه
نظرت اليهما كثيرا قبل أن أقول كلمتى الأخيرة
تنهدت كثيرا ثم اخترته لانى لست بحاجة اليه ولانه يمكن الاستغناء عنه
لم يكن الكثير حولى يتوقع أن أختاره وأصبح اختيارى صدمة لاناس كثيرين
ولكنى اخترته لأنى نفسى فيه من زمان
وبدون أن اشعر وجدت يدى تتحرك فى اتجاهه لتجتذبه نحوى

لأخبره انه اللاب توب الذى لطالما حلمت بأن يشاركنى حياتى كلها وبانى تركت صديقه الكمبيوتر الذى نصحنى كل الناس بأقتنائه من أجل البقاء معه
ههههههههههههههه

اشتغالة تعيشوا وتاخدو غيرها يعنى

الاشتغالة الاكبر انى عندى كمبيوتر عادى مش لاب توب

نياهاهههههههههههها

اى خدمة

جنان

لدى رغبة غريبة فى التعبير عن سعادتى اليوم

اريد ان اغمس قدماى فى بحر الوانك

واجرى بجنون فى ارجاء غرفتى

لارسم لوحة مجنونة كشعورى تجاهك